ACT – grunnnámskeið fyrir fagfólk

Þetta er grunnnámskeið ætlað fagfólki sem vill öðlast traustan grunn í ACT-nálguninni til að geta beitt henni í klínísku starfi eða ráðgjöf.

ACT er gagnreynd meðferðarnálgun sem leggur áherslu á að auka sálrænan sveigjanleika með samþykki, núvitund og gildismiðaðri hegðun. Nálgunin hefur reynst vel í vinnu með fjölbreyttan vanda og þar á meðal kvíða, þunglyndi, streitu, áföll og langvinna verki.

Markmið námskeiðsins

Markmið námskeiðsins er að þátttakendur:

öðlist skýran og hagnýtan skilning á grunnhugmyndum ACT
læri að beita helstu ACT-ferlum í klínísku samhengi
upplifi og æfi aðferðirnar á eigin skinni
öðlist öryggi í að nota ACT í vinnu með skjólstæðingum

Fyrir hverja?

Námskeiðið er ætlað fagfólki í heilbrigðis-, meðferðar- og ráðgjafarstörfum, svo sem:

sálfræðingum
geðlæknum
félagsráðgjöfum
iðjuþjálfum
sjúkraþjálfurum
öðru fagfólki sem vinnur með fólk í endurhæfingu eða meðferðarstarfi

Fyrirkomulag og innihald

Námskeiðið byggir á fyrirlestrum, umræðum, verklegum æfingum og klínískum dæmum. Farið verður yfir:

hvað ACT er og hvernig hún er frábrugðin öðrum nálgunum
sex kjarnaferli ACT og hvernig þau tengjast hvert öðru
samþykki og forðun
hugrænan samruna og aftengingu (defusion)
núvitund í klínísku starfi
sjálfsgát eða sjálfið sem samhengi (self-as-context)
gildi og skuldbundna hegðun

Áhersla er lögð á hagnýta notkun ACT og hvernig hægt er að aðlaga nálgunina að ólíkum skjólstæðingahópum.

Tengsl við framhaldsnámskeið

Námskeiðið hentar sérstaklega þeim sem hyggjast sækja framhaldsnámskeið Russ Harris (ACT for Depression and Anxiety) og vilja tryggja sér góðan og samræmdan ACT-grunn áður.

Kennari

Námskeiðið er leitt af Rúnari Helga Andrasyni, Psy.D., sem hefur um árabil unnið með ACT í sínu starfi og hefur sérstakan áhuga á því hvernig nálgunin nýtist fólki sem glímir við erfiðar aðstæður, langvarandi vanda og skerta virkni. Hann leggur áherslu á að ACT sé ekki safn af tækni, heldur leið til að mæta fólki af mildi, skýrleika og raunsæi.

Í kennslu sinni leggur Rúnar áherslu á öruggt rými, virka þátttöku og raunhæf dæmi úr klínísku starfi. Markmiðið er að þátttakendur fari ekki aðeins með meiri þekkingu, heldur einnig aukið öryggi í að beita ACT í eigin starfi.